Sumqayıt şəhəri, Çerkassı küçəsində yerləşən sexdə yanğın olub.
Sumqayit24.az Fövqəladə Hallar Nazirliyinə (FHN) istinadən xəbər verir ki, əraziyə Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri cəlb olunub.
Hadisə yerində əməliyyat şəraiti qiymətləndirilərkən yanğının ümumi sahəsi 2500 kv.m olan şüşə məmulatları istehsalı sexinin ərazisində baş verdiyi və yayılma riskinin yüksək olduğu müəyyən edilib.
Yanğınsöndürənlərin müdaxiləsi sayəsində alov genişlənməsinə, o cümlədən sexin digər sahələrinə yayılmasına imkan verilmədən söndürülüb.
Yanğın nəticəsində sexin əritmə sobası ətrafında 200 kv.m. sahə yanıb. Sexin böyük hissəsi mühafizə olunub.
