Bu gün Azərbaycanın ilk peşəkar qadın rəssamlarından, Dövlət mükafatı laureatı Maral Rəhmanzadənin anadan olmasının 110 illiyi tamam olur.
Sumqayit24.az xəbər verir ki, sənətkarın yaradıcılığında Sumqayıt da xüsusi yer tutub. Onun məşhur "Sumqayıt-Rustavi" əsəri diqqətçəkən rəsm işlərindən biri hesab olunur.
Maral Rəhmanzadə həmçinin "Bizim Xəzərdə", "Azərbaycan qadınları", "Doğma Vətənim" və digər əsərləri ilə tanınıb. Onun yaradıcılığı Azərbaycanın təbiətini, milli geyimlərini, qadın obrazlarını və əmək insanlarını özündə əks etdirir.
Rəssamın əsərləri dünyanın bir çox ölkəsində sərgilənib, o isə milli təsviri sənətin inkişafına verdiyi töhfələrə görə müxtəlif mükafat və fəxri adlarla təltif olunub. Maral Rəhmanzadə 2008-ci il martın 18-də vəfat edib.
