Sumqayıtın şəhər statusu almasının 77-ci ildönümü münasibətilə təntənəli tədbir keçirilib.
Sumqayit24.az xəbər verir ki, Sumqayıt Şəhər Muğam Mərkəzində keçirilən tədbirdə Sumqayıt Şəhər İcra Hakimiyyətinin başçısı Zakir Fərəcov, qardaşlaşmış şəhər Samsun Böyükşəhər Bələdiyyəsinin sədri Halit Doğan, millət vəkilləri, hüquq-mühafizə orqanlarının rəhbərləri, şəhid ailələri və qazilər, şəhərin tanınmış ziyalıları, əmək və müharibə veteranları, ictimaiyyət nümayəndələri iştirak ediblər.
Əvvəlcə Sumqayıtın keçdiyi inkişaf yolunu, müasir simasını və əldə etdiyi nailiyyətləri əks etdirən film nümayiş olunub.
Tədbirdə çıxış edən Sumqayıt Şəhər İcra Hakimiyyətinin başçısı Zakir Fərəcov şəhərin 77 illik yubileyi münasibətilə tədbir iştirakçılarını və bütün sumqayıtlıları təbrik edib, Sumqayıtın zəngin inkişaf tarixindən, formalaşma və tərəqqi mərhələlərindən danışıb.
Sumqayıtla qardaşlaşmış şəhər olan Samsun Böyükşəhər Bələdiyyəsinin sədri Halit Doğan çıxışında şəhərin 77-ci ildönümü münasibətilə sumqayıtlıları təbrik edib.
Daha sonra çıxış edənlər Sumqayıtın yaranma və inkişaf tarixindən, şəhərin ölkənin iqtisadi, elmi və mədəni həyatında tutduğu mövqedən danışıblar.
Tədbir respublikanın tanınmış incəsənət ustalarının ifasında təqdim olunan rəngarəng konsert proqramı ilə davam edib.