Sumqayıtda fəaliyyət göstərən təhsil ocağında yenidənqurma və əsaslı təmir işləri aparılması nəzərdə tutulur.
Sumqayit24.az xəbər verir ki, bu barədə Peşə Təhsili üzrə Dövlət Agentliyinin direktoru İlqar Bayramlı brifinqdə məlumat verib.
Onun sözlərinə görə, hazırda ölkə üzrə peşə təhsili müəssisələrində infrastrukturun yenilənməsi istiqamətində ümumilikdə 16 layihə icra olunur. Bu layihələrdən 4-ü artıq yekunlaşıb, 5-də tikinti və əsaslı təmir işləri davam edir.
İlqar Bayramlı bildirib ki, daha 7 peşə təhsili müəssisəsi üzrə yenidənqurma və əsaslı təmir layihələri hazırlanır. Həmin siyahıya Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzi də daxildir.
