Xəbər verdiyimiz kimi, Sumqayıt Avtovağzalı ərazisində yerləşən avtobus dayanacağı baxımsız vəziyyətdədir.
Belə ki, konstruksiyanın bəzi hissələri dağılıb və dayanacaq istifadəyə yararsız vəziyyətə düşüb.
Məsələ ilə bağlı Azərbaycan Yerüstü Nəqliyyat Agentliyindən (AYNA) Sumqayit24.az-a bildirilib ki, bu, Sumqayıtda daha əvvəl quraşdırılan dayanacaqdır və həm onun, həm də ərazidəki səkinin vəziyyəti qənaətbəxş deyil.
"Sumqayıt şəhərində avtobus dayanacaqları AYNA-nın səlahiyyətinə 28 noyabr 2025-ci il tarixindən keçib. Sumqayıt şəhərində təhlil aparılıb və yaxın vaxtlarda bu dayanacaq daxil 20-dən çox dayanacaq dəyişdiriləcək", - deyə qurum qeyd edib.
