Sumqayıt şəhərində "Wolt"da kuryer işləyən şəxsə qarşı dələduzluq edilib.
Demokrat.az-ın məlumatına görə, Neftçala rayon sakini, 2003-cü il təvəllüdlü Röyal İmanov tanışı Elvinə məxsus 2023-cü il buraxılışlı "Tufan" markalı motosikleti müvəqqəti istifadə adı ilə götürərək satıb və 2500 manat maddi ziyan vurub.
İmanov motosikleti qardaşının zaminliyi ilə alıb, daha sonra onu "lalafo.az" vasitəsilə 800 manata sataraq pulu şəxsi ehtiyaclarına xərcləyib. Sumqayıt Şəhər Məhkəməsinin hökmü ilə o, 8 ay 29 gün azadlıqdan məhrum edilib.
Apellyasiya mərhələsində zərərçəkmişlə barışıq əldə olunub, dəymiş ziyan tam ödənilib. Sumqayıt Apellyasiya Məhkəməsi hökmü ləğv edərək cinayət işinə xitam verib və Röyal İmanov həbsdən azad edilib.
