Ölkə üzrə fəaliyyət göstərən un istehsalçıları və topdansatış məntəqələrində 50 kiloqramlıq un kisəsinin satış qiymətləri açıqlanıb.
Sumqayit24.az xəbər verir ki, Antiinhisar və İstehlak Bazarına Nəzarət Dövlət Agentliyindən verilən məlumata əsasən, siyahıya Bakı, Abşeron, Sumqayıt, Gəncə, Şabran, Xaçmaz, Salyan, Tovuz, Ağsu, Göygöl, Şəmkir və digər bölgələrdə fəaliyyət göstərən ümumilikdə 28-dən çox sahibkarlıq subyekti daxildir.
Məlumata görə, 50 kiloqramlıq un kisəsinin topdansatış qiymətləri əsasən 26,10 manat - 28,60 manat aralığında dəyişir. Belə ki, Sumqayıt şəhərində yerləşən "Orxan UN" MMC-də unun qiyməti 27 manat 65 qəpik, "Anadoluqida" və "Dəniz un sənayesi LTD" MMC-də 27 manat 60 qəpik, "Hazartürk LTD" MMC-də isə 27 manat 50 qəpik təşkil edir.
