Bu gün Vətən müharibəsi şəhidi İlkin İsgəndərovun mövlud günüdür. Onun 23 yaşı tamam olacaqdı.
İlkin İsgəndərov 18 mart 1999-cu ildə Sumqayıt şəhərində anadan olmuşdur. 2005-ci ildə Qubadlı rayon Kavdadiq kənd tam orta məktəbinin 1-ci sinfinə qəbul olunmuşdur. 2016-cı ildə həmin məktəbi bitimişdir.
2018-2019-cu illərdə Gəncə şəhərində yerləşən "N" saylı hərbi hissədə xidmətdə olmuşdur. 2020-ci il sentyabrın 27-də, İkinci Qarabağ müharibəsi başlayan zaman könüllü olaraq döyüşlərə qatılmışdır. 2020-ci il oktyabrın 25-də Cabrayıl rayonu uğrunda gedən döyüşlərdə şəhidlik zirvəsinə ucalıb. Sumqayıt şəhərində yerləşən Şəhidlər xiyabanında dəfn edilib.
Şəhid İlkin İsgəndərov “Vətən uğrunda” və “Füzulinin azad olunmasına görə” medalları ilə təltif edilib.
