Bakı-Sumqayıt ekspres avtobuslarında havalandırma sistemi qoşulmur.
Sumqayit24.az-a bu barədə narazı sərnişinlər məlumat veriblər. Onların sözlərinə görə, havanın son günlər isti keçməsinə baxmayaraq 594 və 595 nömrəli marşrut xətləri üzrə hərəkət edən neoplanlarda kondisioner sistemi nasazdır. Ən azından bunu həmin avtobusların sürücüləri deyirlər.
“Sürücüyə narazılıq bildirəndə isə “mənə niyə deyirsən, mənlik nə var” cavabını verir. Bir gün gərək istidən, havasızlıqdan kimsə huşunu itirsin ki, tədbir görsünlər.
Monitor salonun 31-34 dərəcəyədək qızdığını göstərir. Yay boyu da belə olacaqsa, vay camaatın halına”, - vətəndaşlar vurğulayıblar.
