Sumqayıtın Kimyaçılar qəsəbəsinin sakinləri ərazidə yığılan tullantıların qoxusundan əziyyət çəkirlər. Bu barədə oxucularından biri Sumqayıt24-də bildirib.
Sözügedən ərazi 15 nömrəli marşutun dayanacağında yerləşir. Yaxınılığında fəaliyyət göstərən yun sexi ətrafa tullantılar atır. Həmçinin, orada zibil qutuları yoxdur. Sakinlərin sözlərinə görə, təmizlik işləri uzun müddətdir ki aparılmır.
"Pis qoxunun əlindən evdə və ya həyətdə oturmaq mümkün olmur. Dayanacağa çatmaq üçün, zibilin üstündən keçməli oluruq. Küləkli havada isə yerdəki yun üstümüzə yapışır. Xahiş edirik bu məsələ ilə bağlı tədbir görülsün" - qəsəbə sakini bildirdi.
