Sumqayıtda 27 Sentyabr - Anım Günü ilə əlaqədar bilik yarışı keçirilib. Sumqayıt24 bu barədə 28 sentyabr tarixində Sumqayıt Gənclərin İnkişaf və Karyera Mərkəzinə istinadən xəbər verir.
Gənclər evində baş tutan yarışda şəhərin müxtəlif sahələrini təmsil edən 14-29 yaş arası gənclərdən ibarət komandalar iştirak edib. Breyn-rinq formatında keçirilən bilik yarışının yekun nəticəsinə əsasən, GİKM-in Sumqayıt nümayəndəliyinin “Cardinal” komandası 2-ci yeri qazanıb. Qalib komandalar kuboklar, Fəxri fərmanlar və xatirə hədiyyələri ilə təltif ediliblər.
Turnir şəhər Gənclər və İdman Baş İdarəsinin təşkilatçılığı ilə həyata keçirilib.
