"Sumqayıt" klubu gənc futbolçu Nihad Əhmədzadə ilə bağlı qərar verib.
KİV-də yayılan məlumata görə, 20 yaşlı yarımmüdafiəçi bu gündən etibarən yenidən əsas komandanın məşqlərinə qoşulub.
Bir neçə gün əvvəl futbolçunun əvəzedici komandaya göndəriləcəyi barədə məlumat yayılmışdı. Nihad Əhmədzadə də həmin qərarı təsdiqləmişdi.
Lakin millinin düşərgəsindən qayıdan gənc futbolçu yenidən əsas komandaya cəlb olunub. O, hazırda "Sumqayıt"ın "Qəbələ" ilə qarşıdakı oyuna hazırlığında iştirak edir.
"Sumqayıt" FK-nın mətbuat katibi Zaur Xudiyev də məlumatı Sumqayit24.az-a təsdiqləyib.
