Bülbül adına 2 nömrəli Uşaq İncəsənət Məktəbinin şagirdi uğura sevinib. Sumqayıt24 bu haqda Regional Mədəniyyət İdarəsinə (RMİ) istinadən xəbər verir.
Sumqayıt ümumtəhsil məktəblərinin şagirdləri və respublika UGİM-lərinin dərnək üzvləri arasında keçirilən "El bilir ki, sən mənimsən" adlı rəsm və əl işi müsabiqəsi qaliblərinin mükafatlandırılma mərasimi keçirilib. İcra başçısı Zakir Fərəcov və qurumun nümayəndələri qaliblərin əl işlərindən ibarət sərgi ilə tanış olublar.
Bülbül adına təhsil ocağının rəssamlıq şöbəsində oxuyan Zeynal Əmiraslanov 2-ci yer tutduğuna görə diplomla mükafatlandırılıb. Onu müsabiqəyə müəllimi Səadət Şahbazova hazırlayıb.
