Dəmir Yumruq əməliyyatı ilə başlayan və 44 gün boyunca davam edən Vətən müharibəsi nəticəsində işğal altında olan torpaqlarımız düşmən tapdağından azad edilib.
Sumqayit24.az xəbər verir ki, Azərbaycanın hərbi sahədə qazandığı qələbələr, xüsusilə Şuşanın düşmən işğalından azad edilməsi müharibənin taleyində həlledici rol oynayıb, Ermənistanın öz məğlubiyyətini etiraf etməsi və kapitulyasiyası ilə nəticələnib.
Prezident İlham Əliyevin Sərancamı ilə bu misilsiz qələbənin əbədiləşdirilməsi məqsədilə hər il noyabrın 8-inin Azərbaycan Respublikasında Zəfər Günü və Şuşa Şəhəri Günü kimi təntənəli şəkildə qeyd olunması qərara alınıb.
Vətən uğrunda canlarından keçmiş şəhidlərimizə Allahdan rəhmət diləyir, qazilərimizə can sağlığı arzulayırıq!
Zəfərin mübarək, Azərbaycan!
