Prezident İlham Əliyev səhiyyə ocağının açılışında iştirak edib. Bu haqda 23 oktyabr tarixində Sumqayıt24 Azərtac-a istinadən məlumat verir.
Dövlət başçısı 2 saylı Sumqayıt Şəhər Xəstəxanasının yeni binasında yaradılan şəraitlə tanış olub.
6,1 hektar sahədə inşa edilən səhiyyə müəssisəsi poliklinika, təcili tibbi yardım, 30 çarpayılıq terapiya, 30 çarpayılıq cərrahiyyə, şüa diaqnostikası, hemodializ, oftalmologiya, endokrinoloji terapiya, endokrinoloji cərrahiyyə, nevrologiya, 10 çarpayılıq əməliyyat bloku, reanimasiya və sairə şöbələrdən, həmçinin laboratoriyadan, digər tikili və qurğulardan ibarətdir.
Burada fəaliyyət göstərən müalicə ocağı müasir tələblərə cavab verən və böyük vəsait tələb edən tibbi avadanlıqlar – çoxkəsikli kompüter tomoqrafiyası (KT), rəqəmsal teleskopik rentgen cihazı, rəqəmsal DR rentgen qurğusu, oftalmoloji müayinə üçün mikroskop, oftalmoloji cərrahi əməliyyatlar üçün PHACO AMO cihazı və iki ədəd rəqəmsal stasionar ultrasəs müayinə cihazı ilə təchiz olunub.
Eləcədə tibb ocağının həyəti abadlaşdırılıb, yaşıllıq sahələri salınıb.
