Sumqayıtı və Saray qəsəbəsini paytaxt Bakı ilə əlaqələndirən marşrutla bağlı daha bir yenilik olub.
Azərbaycan Yerüstü Nəqliyyat Agentliyinin mətbuat katibi Tural Orucov Sumqayit24.az-ın sorğusuna cavab olaraq bildirib ki, 503 nömrəli avtobusların başlanğıc dayanacaq nöqtəsi Zülfü Hacıyev (red. Heydər Əliyev parkı) küçəsi olacaq.
Bunadək başlanğıc dayanacaq Məhəmməd Əsədov küçəsi, 18-ci mikrorayonda yerləşirdi.
Qeyd edək ki, sərnişin axını nəzərə alınaraq noyabrın 1-dən 503 nömrəli marşrut avtobusları "20 Yanvar" metro stansiyasınadək hərəkət edəcək.
