Abşeron-Xızı Regional Gənclər və İdman İdarəsi "Gənclər Paytaxtı"nın "maskot" prototipi üzrə təkliflər müsabiqəsini elan edib.
Sumqayit24.az xəbər verir ki, bu barədə Abşeron-Xızı Regional Gənclər və İdman İdarəsi məlumat yayıb.
Müsabiqə Sumqayıt şəhəri 2025-ci il üçün ölkəmizin "Gənclər Paytaxtı" seçilməsi ilə əlaqədardır. "Maskot" prototipi üzərində Sumqayıt gənclərinin fəaliyyətlərini və şəhərin rəmzlərini əks etdirməlidir.
Yaradıcılığına güvənən hər kəs bir neçə "maskot" prototipi təqdim edə bilər.
Müsabiqədə iştirak etmək istəyənlər hazırladığı "maskot" prototipini "jpg" və ya "pdf" formatında yanvarın 6-dək [email protected] elektron poçt ünvanına göndərə bilər.
Qalib müəlliflər Regional İdarənin fəxri fərman və hədiyyələri ilə təltif olunacaq.
Əlaqə vasitəsi: (055) 807 42 52 Gənclərlə iş sektorunun müdiri Ceyhun Hüseynov.
