Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Sumqayıtda vətəndaş qəbulu keçirəcək.
Sumqayit24.az xəbər verir ki, görüş noyabrın 1-də saat 10:00-da Heydər Əliyev Mərkəzində təşkil olunacaq. Qəbulda Sumqayıt şəhəri və Abşeron, Qubadlı, Zəngilan rayonlarından olan vətəndaşların müraciətləri dinləniləcək.
Vətəndaşlar Agentliyin səlahiyyət dairəsinə aid məsələlərlə bağlı adını, soyadını, atasının adını, müraciətinin məzmununu, yaşadığı ünvanı və telefon nömrəsini göstərməklə, [email protected] elektron ünvanına rəsmi şəkildə müraciət edərək və ya “1003-Çağrı Mərkəzi” ilə əlaqə saxlayaraq oktyabrın 31-dək qəbula yazıla bilərlər.
