44 günlük Vətən müharibəsində hər bir azərbaycanlı öz sahəsində göstərdiyi xidmətlə qələbəyə töhfəsini verdi. Bu tarixi zəfər salnaməsinə adlarını yazdıran şəxslərdən biri də uzun illər cərrah kimi fəaliyyət göstərən Mübariz Əliyevdir.
Mübariz Əliyev 20 Yanvar faciəsi, Xocalı soyqırımı, Birinci Qarabağ və 44 günlük Vətən müharibəsi zamanı ön cəbhədə xidmət edib. O, döyüş bölgələrində və mülki ərazilərdə yaralanan insanlara cərrahi müdaxilələr edərək onların həyatını xilas etməyə çalışıb.
Məlumat üçün bildirək ki, Mübariz Əliyev 16 aprel 1959-cu ildə Xocavənd rayonunda anadan olub. 1976-cı ildə Sumqayıt şəhərindəki 16 nömrəli orta məktəbi əla qiymətlərlə bitirib və Azərbaycan Tibb Universitetinin Müalicə-profilaktika fakültəsinə qəbul olunub.
Hazırda Azərbaycan Tibb Universitetinin professoru və Tədris Cərrahlıq Klinikasının cərrahiyyə şöbəsinin rəhbəridir.
Sumqayit24.az-ın əməkdaşı ilə həmsöhbət olan Mübariz Əliyev ön cəbhədə xidmət etdiyi illərdən, xüsusilə 44 günlük Vətən müharibəsi zamanı yaşadığı və onu qürurlandıran hadisələrdən danışıb. O, həmçinin Sumqayıt və sumqayıtlılarla bağlı fikirlərini bölüşüb.
Ətraflı videoda:
