Azərbaycan Qida Təhlükəsizliyi Agentliyi (AQTA) tərəfindən quş qripi xəstəliyinə qarşı keçirilmiş epizootoloji monitorinqlərin nəticələri məlum olub. Bu haqda 1 mart tarixində Sumqayıt24 xəbər verir.
Yoxlama çərçivəsində Sumqayıt və Bakı şəhərləri, həmçinin bir sıra rayonlardakı 13 sənaye əsaslı quşçuluq müəssisəsindən 130 baş quşdan laborator müayinə üçün qan və yaxma nümunələri götürülüb.
Aparılmış müayinələrin və müşahidələrin təhlili nəticəsində quş qripi xəstəliyinin törədicisinə və xəstəliyə şübhəli klinik əlamətləri olan quşa rast gəlinməyib.
Monitorinqlər 12-16 fevral tarixlərini əhatə edib.
