COVİD-19 cərimələrinin silinməsi üçün hələlik heç bir təşəbbüs yoxdur.
Bu sözləri Axar.az-a hüquqşünas Əkrəm Həsənov COVİD-19 pandemiyası zamanı yazılan cərimələrin silinməsinin mümkünlüyü haqqında danışarkən deyib.
Onun sözlərinə görə, cərimələrin silinməsi ilə bağlı dövlətə müraciət olunmalıdır. Əksər halda bu müraciətlər müsbət həllini tapır:
“İstənilən borcu dövlət silə bilər. Bu təşəbbüslə millət vəkilləri çıxış edib, cərimələrin silinməsini təmin edə bilərlər”.
Millət vəkili Məlahət İbrahimqızı isə saytımıza açıqlamasında bildirib ki, bu cərimələrin qalması heç kimə maneə törətmir:
“Bu cərimələrin qalması kimə maneə törədir? Kim zəmanət verir ki, nə vaxtsa bir də pandemiya olmayacaq? Lap yaxşı, pandemiya yoxdur, heç kəs də cərimələnmir”.
