Sumqayıtda yerləşən "Azərikimya" İstehsalat Birliyinə təyinat olub. Sumqayıt24 bu haqda 28 iyul tarixində Report.az-a istinadən xəbər verir.
Məlumata görə, baş direktor vəzifəsinə Elnur Məmmədli təyin edilib. O, 17 ildən artıqdır ki, SOCAR-nin müəssisələrində çalışır. Son 7 ildə isə "SOCAR Türkiyə" şirkətində müxtəlif rəhbər vəzifələrdə işləyib. Məmmədli yeni vəzifəsində ekologiya və təbii sərvətlər naziri təyin olunmuş Muxtar Babayevi əvəz edib.
Xatırladaq ki, "Azərikimya"nın strukturuna Etilen-Polietilen zavodu (“EP-300”, “Polimir-120” istehsalatlarından, izopropil spirti istehsalı sahəsindən, Buxar və elektrik enerjisi istehsalatından ibarət) və Təmir-tikinti İdarəsi daxildir.
