Bakı-Sumqayıt şossesində piyadanın xəsarət alması ilə nəticələnən yol qəzası baş verib.
Sumqayit24.az xəbər verir ki, hadisə “SOCAR” yanacaqdoldurma məntəqəsinin yanında qeydə alınıb. Şirvan şəhər sakini Cavid Mirzəyevin idarə etdiyi “Toyota” markalı avtomobil yolun piyadalar üçün nəzərdə tutulmayan hissəsindən keçən 20 yaşlı Ceyranbatan qəsəbə sakini Rəvan Rüstəmovu vurub.
Yaralı dərhal Sumqayıt şəhər mərkəzi xəstəxanasına çatdırılıb. Səhiyyə ocağından verilən məlumata görə, piyadanın vəziyyəti ağır qiymətləndirilir.
