Təcili və Təxirəsalınmaz Tibbi Yardım xidmətinin əməkdaşları üçün “Xəstəxanaöncəsi Travma Təməl Həyat Dəstəyi” təlimləri təşkil edilib. Bu haqda 16 oktyabr tarixində Sumqayıt24 TƏBİB-yə istinadən məlumat verir.
Seminar Tibbi təhsil və İnnovasiyalar departamentinin Davamlı tibbi təhsil şöbəsinin və Ümumdünya Səhiyyə Təşkilatının (ÜST) dəstəyi ilə həyata keçirilib.
Təlimdə Sumqayıtla yanaşı, Bakı, Gəncə, Mingəçevir şəhərlərindən, eləcə də Yevlax, Masallı, Şamaxı, Lənkəran, Bərdə, Göyçay rayonlarından olan Təcili Tibbi Yardım həkimləri iştirak ediblər.
ÜST-nin ekspertləri Okan Ok, Ridvan Atilla və Başak Bayram təcili tibbi yardım xidmətinin əsas nəzəri və praktiki bilikləri barədə iştirakçılara ətraflı məlumatlar veriblər.
Bundan başqa, xəstələrin ambulansla təxliyəsi qaydaları, eləcə də xəstəxanaların təcili yardım şöbələrində sonrakı idarəedilməsi istiqamətində tibbin son nailiyyətlərindən danışılıb.
