Sumqayıt şəhəri, 9-cu mikrorayonda bir-birinə bitişik inşa edilmiş yaşayış binalarının divarları arasında yaranan boşluq marağa səbəb olub.
Bu barədə sosial şəbəkədə paylaşım edilib.
Sakinin sözlərinə görə, bitişik inşa edilmiş 77 və 78 nömrəli binalar arasında kustar üsulla açılmış bu keçid uzun illərdir mövcuddur.
Videodan göründüyü kimi, insan boyu hündürlükdə olan keçid beton divarların qoparılması nəticəsində yaranıb. Bu ərazi sakinlərin həm yolunu qısaldır, həm də binaları dolanaraq keçən zaman yaranan vaxt itkisinin qarşısını alır.
Uzaqdan olduqca dar görünsə də, sakinlər bu boşluqdan keçə bilirlər.
