Sumqayıtda fəaliyyət göstərən “Məktəbli” Poliqrafiya Mərkəzinə ekskursiya təşkil edilib. Bu haqda 19 may tarixində Sumqayıt24 Mədəniyyət Xəbərlərinə istinadən məlumat verir.
"Kitab necə yaranır" mövzusuna həsr olunan ekskursiyada kitabxana əməkdaşları, M.İsmayılov adına Cicimli kənd orta məktəbinin müəllimləri və 5-ci sinif şagirdləri iştirak ediblər.
Milli sahibkar, Poliqrafiya Mərkəzinin direktoru Akif Şahbazov qonaqları salamlayıb. Onlara kitabların çapı ilə bağlı istehsal prosesini əyani şəkildə müşahidə etmək üçün nəşriyyata dəvət edib. Burada iştirakçılara dəzgahlar, çap maşınları, kitabın çapa hazırlanması və ağ kağızdan rəngli kitabın alınması prosesi haqqında ətraflı məlumat verilib.
Ekskursiya çay süfrəsi arxasında müzakirələrlə davam edib. Akif Şahbazov məktəblilərə kağızın kəşf tarixi, hazırlanması, tərkibi, növləri, istehsalı və təkrar emalı haqqında məlumat verib. Sonda iştirakçılara mərkəzin rəhbərliyi tərəfindən kitab bağlamaları, məktəb ləvazimatları təqdim olunub.
