Sumqayıt Tibb Mərkəzində (STM) 12 May - Beynəlxalq Tibb Bacısı Gününə həsr olunmuş tədbir keçirilib. Bu haqda 12 may tarixində Sumqayıt24 STM-ə istinadən xəbər verir.
Tədbirdə çıxış edən STM-in direktoru Səkinə Sadıxova tibb bacılarını təbrik edərək çətin və şərəfli peşələrində onlara uğurlar arzulayıb. Həmçinin bu günün tarixi haqqında geniş məlumat verilib, mahiyyətindən söhbət açılıb. Vurğulanıb ki, bu tarixin seçilməsi təsadüfi deyil və mayın 12-si ilk ingilis tibb bacısı Florens Haytingelin doğum günüdür.
Toplantıda ilk azərbaycanlı şəfqət bacısı N. Şıxlinskanın həyatından bəhs edən videoçarx nümayiş olunub. Sonda bir qrup tibb bacısı fəxri fərmanlarla mükafatlandırılıb.
