Bu gün şəhid Elnur Allahverdizadənin doğum günüdür.
Elnur Allahverdizadə 1995-ci ildə Sumqayıtda anadan olub. 2012-2016-cı illərdə Slavyan Universitetində Tərcümə fakültəsində Çexiya-Azərbaycan dili ixtisası üzrə təhsil alıb.
Elnur onlarla serialın və filmin səs rejissoru kimi çalışıb. “Barama” və "Atılmışlar” serialları, "Son iclas” sənədli filmi, saysız-hesabsız reklamların səs rejissoru olub. "Bozbash pictures” ilə birgə çalışıb. "Picmus production”un əməkdaşı olub.
Allahverdizadə sentyabrın 29-da Səfərbərlik və Hərbi Xidmətə Çağırış üzrə Dövlət Xidmətinin Sumqayıt İdarəsindən müharibəyə yollanıb. Qəhrəmanımız 7 noyabr 2020-ci ildə Ağcabədi rayonunun Yuxarı Qiyaməddinli kəndi istiqamətində gedən döyüşlərdə şəhidlik zirvəsinə ucalıb. Ölümündən sonra “Vətən uğrunda”, “Xocavəndin azad olunmasına görə” və “Cəsur döyüşçü” medalları ilə təltif edilib.
