Bu gün, yəni noyabrın 22-si Azərbaycanda xüsusi yeri olan Sumqayıtın şəhər statusu almasının 76 ili tamam olur.
Sumqayit24.az xəbər verir ki, 1949-cu ildən bu yana Sumqayıt təkcə sənaye mərkəzi kimi deyil, həm də özünəməxsus şəhər ruhu, geniş prospektləri, dənizkənarı bulvarı və güclü insan enerjisi ilə formalaşıb.
Sumqayıt son onilliklərdə ölkənin ən sürətlə böyüyən şəhərlərindən birinə çevrilib. Şəhərin üstünlüyü təkcə sənaye potensialında deyil, həm də burada yaşayanların zəhmətkeşliyi, gənclərin çoxluğu, kreativ mühiti və dinamik həyat ritmindədir. Sumqayıt sakinləri öz şəhərinə bağlılığı, şəhərin inkişafına verdiyi gündəlik töhfə ilə seçilirlər.
