Vüsal Cəsarət oğlu Muradov 19 may 1999-cı ildə Sumqayıt şəhərində anadan olub.
Azərbaycan Silahlı Qüvvələrinin kiçik leytenantı Əslən Ağdam rayonunun Qasımbəyli kəndindən idi. 2017-ci ildən Heydər Əliyev adına Azərbaycan Ali Hərbi Məktəbində (AAHM) təhsil alırdı.
2020-ci ilin sentyabrında Vətən müharibəsinin başlaması ilə bağlı kiçik leytenant rütbəsi ilə müharibəyə yollanıb. Vüsal 2020-ci il sentyabrın 27-də başlamış Vətən müharibəsi zamanı Xocavəndin azadlığı uğrunda gedən döyüşlərdə savaşıb. Qəhrəmanımız oktyabrın 29-da Xocavənd döyüşləri zamanı şəhid olub. Sumqayıt Şəhidlər xiyabanında dəfn olunub.
Şəxsi igidlik və şücaət nümayiş etdirdiyinə görə öümündən sonra "Vətən uğrunda", "Cəsur döyüşçü" və "Xocavəndin azad olunmasına görə" medalları ilə təltif olunub.
