Noyabr ayı üçün qeyri-iş günlərinin sayı açıqlanıb.
Sumqayit24.az xəbər verir ki, 5 günlük iş rejimində işləyənlər üçün 2, 3, 8, 9, 10, 11, 12, 13, 17, 23, 24 və 30 noyabr tarixləri qeyri-iş günüdür. 6 günlük iş rejimində çalışanlar isə 3, 8, 9, 10, 17 və 24 noyabr tarixlərində istirahət edəcəklər.
Respublikanın bütün ərazisində fəaliyyət göstərən tam orta və ümumi orta təhsil müəssisələrində şagirdlər üçün bayram və tətil günləri kimi 2, 3, 8, 9, 10, 11, 12, 13, 14, 15, 16, 17, 18, 19, 20, 21, 22 və 24 noyabr tarixləri müəyyən olunub.
Orta ixtisas və ali təhsil müəssisələri üçün bayramla əlaqədar tətil və istirahət günləri isə 2, 3, 8, 9, 10, 11, 12, 13, 17 və 24 noyabr tarixləridir.
Qeyd edək ki, 8 və 9 noyabr tarixləri bayram günləridir. Şagirdlər 12-22 noyabr tarixləri arasında payız tətilində olacaqlar. Dərslər noyabrın 23-dən etibarən başlanılacaq.
Bakı, Sumqayıt və Abşeron rayonunda təhsil alan tələbələr üçün noyabr ayının 14-dən 25-dək (qeyri-iş günləri nəzərə alınmaqla) dərslər distant formada tədris olunacaq. Qalan digər ərazilərdə isə ənənəvi qaydada dərslər tədris olunacaq.
Noyabr ayında bazar günləri 3, 10, 17 və 24 noyabr tarixlərinə təsadüf edir. Bu səbəbdən iş və istirahət günlərinin ardıcıllığını təmin etmək məqsədilə 2024-cü il 12 və 13 noyabr iş günləri ilə müvafiq olaraq 16 və 23 noyabr istirahət günlərinin yerləri dəyişdirilib. 9 noyabr qeyri-iş gününə təsadüf etdiyi üçün həmin günə görə 11 noyabr da qeyri-iş günü hesab olunur. Beləcə, yuxarıda qeyd olunan kimi 8, 9, 10, 11, 12 və 13 noyabr tarixləri ardıcıl olaraq qeyri-iş günləridir.
