Sumqayıt Dövlət Universiteti (SDU) Azərbaycan–Özbəkistan birgə beynəlxalq elmi müsabiqəsinin qalibləri sırasında yer alıb.
Sumqayit24.az xəbər verir ki, Elm və Ali Təhsil üzrə Dövlət Agentliyi ilə Özbəkistanın İnnovativ İnkişaf Agentliyinin birgə keçirdiyi müsabiqəyə ümumilikdə 139 layihə təqdim olunub.
Elmi və texniki ekspertizanın nəticələrinə əsasən 5 layihə qalib seçilib. Onlardan biri Sumqayıt Dövlət Universitetinin Özbəkistanın İslam Kərimov adına Daşkənd Dövlət Texniki Universiteti ilə birgə təqdim etdiyi "Günəş, külək və dizel elektrik stansiyalarının enerji yığma sistemləri ilə birlikdə kombinə olunmuş işinin optimal idarə olunması üçün alqoritmlərin hazırlanması" adlı layihədir.
Müsabiqənin əsas məqsədi Azərbaycan və Özbəkistanın elmi-tədqiqat və ali təhsil müəssisələri arasında əməkdaşlığın genişləndirilməsi və aktual elmi istiqamətlər üzrə birgə tədqiqatların dəstəklənməsidir.
