Sumqayıtda müxtəlif ərazilərdə kanalizasiya problemi antisanitar vəziyyətin yaranmasına səbəb olub.
Sumqayit24.az-a müraciət edən vətəndaşların sözlərinə görə, Hacı Zeynalabdin qəsəbəsi, Cəfər Cabbarlı küçəsində yerləşən yeni binada uzun müddətdir kanalizasiya problemindən əziyyət çəkirlər. Belə ki, binanın zirzəmisi mütəmadi olaraq kanalizasiya suları ilə dolur.
Qeyd olunub ki, problemin uzun müddət davam etməsi zirzəmidə antisanitar vəziyyətin yaranmasına, nəmlik və xoşagəlməz qoxunun əmələ gəlməsinə səbəb olub.
Həmçinin Ceyranbatan bağları ərazisində, 42 nömrəli marşrutun keçdiyi yolda da kanalizasiya sistemi ilə bağlı tez-tez problem yarandığı bildirilir.
Sakinlərin sözlərinə görə, kanalizasiya suları əraziyə yayılaraq yolu çirkab sular altında qoyur. Nəticədə sözügedən ərazi keçilməz vəziyyətə düşür.
Şikayətçilər aidiyyəti qurumların ərazilərə baxış keçirməsini, problemin səbəbinin araşdırılmasını istəyirlər.
