Ceyranbatan qəsəbəsində yerləşən müəssisələrdən birinin gecə saatlarında fəaliyyəti sakinlərin narazılığına səbəb olub.
Sumqayit24.az-a müraciət edən vətəndaşların sözlərinə görə, zavod gecə saatlarında işləyərkən ətrafa güclü səs-küy və tüstü qoxusu yayılır. Bildirilir ki, problem xüsusilə gecə saatlarında daha çox hiss olunur və ərazidə yaşayanların istirahətinə mane olur.
Sakinlərin təqdim etdiyi videonun gecə saat 01:30 radələrində çəkildiyi qeyd edilir. Onlar müəssisədən yayılan qoxu səbəbindən gecə saatlarında pəncərələri açıq saxlamağın belə çətin olduğunu bildirirlər.
Əhali aidiyyəti qurumların məsələyə diqqət yetirməsini və müəssisənin fəaliyyətinin yaratdığı narahatlığın araşdırılmasını istəyirlər.
