Sumqayıt şəhərinin Corat qəsəbəsində içməli su xəttində nasazlıq yarandığı iddia edilir.
Sumqayit24.az-a bu barədə qəsəbə sakinləri məlumat veriblər.
Vətəndaşların iddiasına görə, Xanməmməd Məhərrəmoğlu küçəsində içməli su xəttində yaranan nasazlıq səbəbindən təxminən 3 aydır su fasiləsiz şəkildə küçəyə axır.
Sakinlər bildirirlər ki, xüsusilə gecə saatlarında suyun axını daha da güclənir və həyətlərə qədər yayılır. Nəticədə küçədə gölməçələr və palçıq yaranır, hərəkət etmək çətinləşir.
Vətəndaşlar aidiyyəti qurumlardan əraziyə baxış keçirilməsini və nasazlığın aradan qaldırılmasını xahiş edirlər.
Məsələ ilə bağlı İri Şəhərlərin Birləşmiş Su Təchizatı Xidmətinə sorğu ünvanlanıb.