Sumqayıtda yerləşən qəsəbələrdən birində piyada zolağı ilə bağlı narahatlıq yaranıb.
Sumqayit24.az-a müraciət edən sakinlərin sözlərinə görə, Corat qəsəbəsində yolda piyadalar üçün nəzərdə tutulmuş zolaq olsa da, piyada keçidi nişanı yoxdur.
Vətəndaşlar iddia edirlər ki, ərazidə bəzi sürücülər piydalar zolağı olmasına baxmayaraq, sakinlərə yol vermirlər. Bu vəziyyətin ərazidə çaşqınlıq yaratdığı və qəza riskini artırdığı bildirilir.
Şikayətçinin sözlərinə görə, yaxınlıqda daha bir piyada zolağı da mövcuddur. Lakin həmin keçiddə də müvafiq nişan yoxdur.
"Yaxınlıqda yaşayış binaları yerləşir, uşaqlar bu yoldan keçərək məktəbə gedirlər. Bir sözlə, piyada zolağından gün ərzində xeyli insan yararlanır. Xahiş edirəm, əraziyə piyada keçidi nişanı və nəzarət kameraları quraşdırılsın", - deyə sakin bildirib.
