Corat qəsəbəsində yerləşən çimərlikboyu ərazidə "Təmiz sahil, təmiz dəniz" devizi altında iməcilik aksiyası keçirilib.
Sumqayit24.az xəbər verir ki, iməclik Sumqayıt Şəhər İcra Hakimiyyətinin, Sumqayıt Bələdiyyəsinin və 4 saylı Regional Ekologiya və Təbii Sərvətlər İdarəsinin birgə təşkilatçılığı, eləcə də şəhərin digər aidiyyəti idarə, müəssisə və təşkilatlarının əməkdaşlarının iştirakı ilə həyata keçirilib.
İməcilik zamanı sahilboyu ərazi məişət və digər tullantılardan təmizlənib, ərazidə səliqə-sahman yaradılıb.
Aksiyanın keçirilməsində əsas məqsəd sahilyanı ərazilərin təmiz saxlanılması, Xəzər dənizinin ekoloji mühitinin qorunması və ətraf mühitə məsuliyyətli münasibətin təşviq edilməsi olub.
