Ötən gün Sumqayıtda baş verən ağır yol-nəqliyyat hadisəsinin bəzi təfərrüatları məlum olub.
Sumqayit24.az xəbər verir ki, qəzaya Sülh küçəsində “Hyundai” və “Kia” markalı avtomobillərin sürət yarışı keçirməsi səbəb olub.
Nəticədə “Hyundai”ı idarə edən 21 yaşlı Elşad Məmmədov yolu keçən piyada 65 yaşlı Yavər Mehdiyevi vurub. Piyada aldığı xəsarətlərdən hadisə yerində ölüb.
Avtomobilin yol kənarına aşması nəticəsində maşında olan 22 yaşlı İntiqam Paşayev də dünyasını dəyişib.
Sürücü E. Məmmədov, sərnişinlər - Təbriz Fərəcli və Ceyhun Əliyev xəstəxanaya yerləşdiriliblər.
Yarışın digər iştirakçısı 23 yaşlı Şahmar Abbaszadənin idarə etdiyi “Kia” markalı maşın da yol kənarındakı maneəyə çırpılıb. Qəza zamanı nəqliyyat vasitəsi yanıb.
Qeyd edək ki, yaralıların birinin vəziyyəti ağırdır, digər 2 nəfərin isə vəziyyəti orta ağırdır.
