Vətən müharibəsi şəhidi Cəbrayıl Dövlətzadənin mövlududur. O, 11 sentyabr 2001-ci ildə Corat qəsəbəsində anadan olub.
Cəbrayılın bir bacısı və bir qardaşı var. O, orta təhsilinə "Təfəkkür" liseyində başlayıb, daha sonra 2 saylı Qubadlı məktəbində oxumağa davam edib. Rəsm çəkib, musiqi bəstələyib, eyni zamanda 9 il cüdo ilə məşğul olub. Müxtəlif mükafatlara layiq görülüb.
Dövlətzadə hərbi xidmətini Sərhəd Qoşunlarının sıralarında çəkib. General Polad Həşimovun şəhid olması 19 yaşlı Cəbrayılı məyus edib. Həmin gün o: "Polad Həşimovun qisasını alacağam!" – sözünü verib.
Cəsarətli əsgərimiz 44 günlük müharibə zamanı yanındakı ailəli silahdaşlarına: “Siz qayıdın, ailəniz sizi gözləyir, mən tək döyüşəcəyəm!” – deyərək düşmənin üzərinə yürüyüb. Düşmənin yüksək rütbəli zabitlərini – bir general və bir polkovniki yalın əllərlə məhv edib. Həmin gün, 28 sentyabr 2020-ci ildə yaralanıb və çoxlu qan itirdiyi üçün şəhidlik məqamına ucalıb.
Prezident İlham Əliyevin göstərişi ilə Cəbrayıl Dövlətzadə II Fəxri Xiyabanda general-mayor Polad Həşimovun yanında dəfn edilib.
Qəhrəman şəhidimiz ölümündən sonra "Vətən uğrunda", "Kəlbəcərin azad olunmasına görə" medalları və "Azərbaycan Bayrağı" ordeninə layiq görülüb.
