Sumqayıtda əmək yarmarkasının təxirə salınma səbəbi açıqlanıb.
Oktyabrın 29-da “Kimyaçı” Mədəniyyət Sarayında keçirilməsi nəzərdə tutulan tədbir son anda ləğv olunub. Ünvana gələn insanlara isə ləğvin səbəbi deyilməyib.
Sumqayit24.az-ın əməkdaşı məsələni aydınlaşdırmaq üçün Dövlət Məşğulluq Agentliyinə (DMA) sorğu ünvanlayıb. Qurumdan sorğuya cavab olaraq bildirilib ki, əmək yarmarkası Mədəniyyət Sarayında keçirilən digər dövlət tədbirinə görə təxirə salınıb:
“Əmək yarmarkasının yenidən keçirilməsi üçün uyğun vaxt təyin edildiyi zaman tədbirə müraciət etmiş şəxslərlə əlaqə saxlanılacaq və onlar yenidən dəvət ediləcəklər.
Həmcinin Agentliyin sosial media hesablarında elan postu olaraq paylaşım edilərək məlumat veriləcək”.
