Bir neçə gün əvvəl qəza keçirən Əməkdar artist Gülüstan Əliyeva açıqlama verib. Bu haqda 14 dekabr tarixində Sumqayıt24 xəbər verir.
Əməkdar artist baş verən hadisəni Bizim.Media-ya danışıb.
Müğənni başına gələn olayı belə nəql edib:
“Hadisə Sumqayıt şosesində deyil, Hacıqabul yolunda baş verib. Hacıqabul rayonuna gedirdim. Yol gedən maşın qəza törətdi. Biz də, təbii ki, dayandıq. O, qəza törədəndə yolun ortasındakı arakəsmə betonu qarşı yola sürüşdü və oradan gələn avtomobil ona dəyib göyə qalxdı və mənim avtomobilimə dəydi.
Avtomobilim pis günə düşüb. Şükürlər olsun ki, özümə heç nə olmadı. Sağ-salamatam. Avtomobilim sığortalı olsa da, qəzadan sonra ödənilən pul qəpik-quruşdur. O pulla avtomobili təmir etmək mümkün deyil. Ümumiyyətlə, avtomobilim qəzadan sonra tamamilə yararsız vəziyyətə düşüb”.
