Gənclər və idman naziri Fərid Qayıbov Sumqayıtda Azərbaycan Tələbə Gənclər Təşkilatları İttifaqı (ATGTİ) və TGT-lərin nümayəndələri ilə görüşüb.
Sumqayit24.az xəbər verir ki, görüşdə ölkəmizin 17 şəhər və rayonundan 48 ali və orta ixtisas təhsil müəssisəsini təmsil edən 100-dən çox TGT sədri və sədr müavini iştirak edib.
Tədbir zamanı ATGTİ-nin tələbələri üçün həyata keçirdiyi fəaliyyətlər, TGT-lərin irəli sürdüyü təklif və təşəbbüslər, nazirliyin gənclər üçün layihələri və yeni planları barədə danışılıb, eləcə də tələbələrin idman tədbirlərinə cəlb olunması ilə bağlı təqdimat nümayiş olunub.
Görüş tələbələrin təşəbbüslərinin dəstəklənməsi, qərarvermə prosesində iştirakı, onların dövlət gənclər siyasətinə töhfə verməsinə şərait yaradılması məqsədilə keçirilir.
