Sumqayıtda yarımçıq qalan tikinti sakinlərin narazılığına səbəb olub.
Sumqayit24.az-a bu barədə şəhər sakinləri məlumat veriblər.
Vətəndaşların sözlərinə görə, 13-cü mikrorayon, 9A saylı binanın yaxınlığında bir müddət əvvəl naməlum şəxslər tərəfindən tikinti işlərinə başlanılıb. İddia olunub ki, yaxınlıqdan keçən elektrik xəttinə görə işlər isə dayandırılıb və tikili yarımçıq vəziyyətdə qalıb.
Sakinlər bildirirlər ki, yarımçıq tikili ərazinin görünüşünü korlamaqla yanaşı, zibil qutularının yerinin dəyişdirilməsinə də səbəb olub. Belə ki, əvvəllər tikilinin yerləşdiyi ərazidə olan zibil qutuları hazırda bir qədər irəliyə köçürülüb.
Vətəndaşlar aidiyyəti qurumlardan əraziyə baxış keçirilməsini, yarımçıq tikilinin vəziyyətinə aydınlıq gətirilməsini və problemin aradan qaldırılmasını xahiş edirlər.
Qeyd edək ki, redaksiyamız bununla bağlı 3 oktyabr tarixində də şikayət işıqlandırıb.
