Sumqayıtda məktəbli qız küçədə döyülüb.
Məlumata görə, hadisə 9-cu mikrorayon ərazisində, binalardan birinin arxasında qeydə alınıb.
Belə ki, 18 yaşlı Samir Musayev (şərti adla) sevgi münasibətində olduğu 15 yaşlı Mahirə Bağırovanın (şərti adla) baş nahiyəsinə yumruqla möhkəm zərbə vurub. Nəticədə yeniyetmə qız zərbənin təsirindən yerə yıxılaraq, xəsarətlər alıb və hadisə yerinə təcili tibbi yardım əməkdaşları çağırılıb.
Faktla bağlı S. Musayev saxlanılıb və barəsində cinayət işi açılıb.
Məlumata görə, hadisə qısqanclıq səbəbilə yaranıb. Təqsirləndirilən şəxs ifadəsində zərərçəkənlə barışdığını və dəymiş ziyanı ödədiyini bildirib. Həmçinin orta məktəblərin birinin 9-cu sinfində təhsil alan Mahirə də Samirə qarşı şikayət və tələbinin olmadığını deyib.
Məhkəmənin qərarı ilə cinayət işinə xitam verilib və S. Musayev məsuliyyətdən azad olunub.
Mənbə: Lent.az
