Fövqəladə Hallar Nazirliyi (FHN) Sumqayıtda maarifləndirmə tədbirləri keçirib.
Sumqayit24.az xəbər verir ki, bu barədə nazirlik məlumat yayıb.
Tədbirlər FHN-in Sumqayıt Regional Mərkəzi tərəfindən 1 nömrəli Şəhər Xəstəxanasında və “Sumqayıt Gənclər evi” sosial xidmət müəssisəsində baş tutub.
Toplantılarda fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, sularda təhlükəsizliklə bağlı məsələlər diqqətə çatdırılıb və ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
