Sumqayıtda Təhsil Forumu keçirilib.
Sumqayit24.az xəbər verir ki, forum Bakı və Sumqayıt şəhərlərində yerləşən məktəbəqədər təhsil müəssisələrində çalışan gənc tərbiyəçi-müəllimlər üçün təşkil olunub.
Tədbir çərçivəsində erkən uşaqlıq dövründə müsbət və mənfi təcrübələrin ömürboyu təsiri, məktəbəqədər təhsildə inklüzivliyin təmin olunması, erkən yaşlarda təlim-tərbiyənin təşkili və digər aktual mövzular müzakirə olunub. İştirakçılar arasında geniş təcrübə mübadiləsi həyata keçirilib.
Forumun keçirilməsində əsas məqsəd gənc tərbiyəçi-müəllimlərin peşəkar inkişafını dəstəkləmək, onların arasında şəbəkələşməni gücləndirmək və müsbət təcrübənin ötürülməsini təmin etməkdir.
