Abşeron-Xızı Regional Gənclər və İdman İdarəsinin təşkilatçılığı ilə 3 aylıq könüllülük proqramına start verilib.
Sumqayit24.az xəbər verir ki, yaş həddi 14-35 olan hər kəs layihədə iştirak edə bilər.
Könüllülük proqramının məqsədi “Sumqayıt Gənclər Paytaxtı 2025” ili çərçivəsində gənclərin ictimai-mədəni həyatda fəal iştirakını təmin etmək, könüllülük fəaliyyətinin təbliği, maraqlar üzrə fərdi inkişaf, sosial məsuliyyət və Regional İdarənin fəaliyyətinə ictimai dəstək göstərməkdir.
Proqram çərçivəsində gənclər təşkil ediləcək düşərgələr, seminarlar, bilik yarışları və fərqli layihələrdə iştirak etmək, təşkilatçılıq, təşəbbüslərin reallaşması, müxtəlif idman növləri ilə məşğul olmaq, yeni dostluqlar qazanmaq imkanlarını əldə edəcək və asudə vaxtlarını səmərəli keçirəcəklər.
Müraciət etmək istəyənlər yanvarın 17-27 tarixlərində link vasitəsilə qeydiyyatdan keçə bilərlər.
Əlaqə vasitəsi: (055) 807 42 52 Ceyhun Hüseynov.
