Sumqayıtda 8 Mart – Beynəlxalq Qadınlar Gününə həsr olunmuş maarifləndirmə kampaniyası çərçivəsində seminarlar keçiriləcək. Bu haqda 5 mart tarixində Sumqayıt24 xəbər verir.
Seminarlar 7 və 10 mart tarixlərində saat 11:00-dan 13:30-dək davam edəcək.
Əgər siz də:
- Öz icmanızda qadınlara və qızlara qarşı zorakılıqla mübarizədə müsbət dəyişiklik yaratmaq;
- Gender əsaslı zorakılıqla mübarizəyə töhfə vermək;
- Cəmiyyətdən kənarda qalmış insanların səsi olmaq istəyirsinizsə, seminarlara qoşula bilərsiniz.
Kampaniya Yaponiyanın "Takeda Pharmaceuticals Company Limited" əczaçılıq şirkətinin maliyyə dəstəyi ilə BMT-nin Əhali Fondunun həyata keçirdiyi "Qadınlar diqqət mərkəzində: qadınlara qarşı zorakılıq pandemiyası ilə mübarizə" proqramı çərçivəsində “Gender Hub Azerbaijan” tərəfindən icra olunur.
Məqsəd BMT-nin Əhali Fondunun gender əsaslı zorakılığa məruz qalmış qadın və qızların mövcud müdafiə və dəstək mexanizmlərinə dair məlumatlandırılmasıdır.
İştirak üçün link vasitəsilə qeydiyyatdan keçmək mümkündür.
