H.Z. Tağıyev qəsəbəsində hərbi sursat aşkarlanıb. Bu haqda 26 iyun tarixində Sumqayıt24 Report.az-a istinadən məlumat verir.
Hadisə yerinə FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu cəlb edilib.
Əraziyə baxış zamanı aşkar edilmiş sursatların 1 ədəd 85mm-lik OF-365 və 1 ədəd 76mm-lik OF-350 top mərmisinin gövdəsi olduğu müəyyən edilib.
Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Əlavə axtarış zamanı ətrafda hər hansı digər təhlükəli və ya şübhəli əşya aşkar edilməyib.
