Qarşıdakı 10 il ərzində əhalinin təbii artımında aktivlik müşahidə olunmasa, müəllimlərin kütləvi ixtisarı olacaq.
Tribunainfo.az-ın məlumatına görə, bu barədə təhsil üzrə ekspert Elçin Əfəndiyev bildirib. O qeyd edib ki, daha çox ixtisar əsasən, məktəbəqədər və ibtidai təhsili əhatə edəcək:
"2014-cü ildə Azərbaycanda 170.503 uşaq doğulmuşdusa, cari ilin 8 ayı ərzində bu rəqəm 70 min nəfərə yaxındır. 4 ay ərzində (sentyabr, oktyabr, noyabr və dekabr) 20-30 min uşaq dünyaya gələrsə belə, yenə də azdır və bu rəqəmlər son 10-11 ildə azalmağa doğru gedir".
